खेडेगाव

डोंगर दऱ्या कडे कपारी
आमच्यासाठी वैभव भारी
राहतो आम्ही रानामधी
रानमेव्याची गोडीच न्यारी

येऊन बघा आमच्या गावात
भटकंतीला कराल सुरुवात
आमच्या गावच सौदर्य पाहून
खूष व्हाल मनातल्या मनात

सभोवताली डोंगर आणि
मध्ये वासलाय आमचा गाव
डोंगर आणि झाडा आडून
नाही दिसणार दुसरा गाव

झाडा झुडपातील नागमोडी वाट
मध्येच लागतो छोटासा घाट
चालायलाही वाटते मजा
रानपाखरांचा वेगळाच कीलकीलात

स्वागत करतात रानपाखरे
त्यांच्याच गोड आवाजात
म्हणून म्हणतोय येऊन बघा
एकदा आमच्या खेडे गावात

 सिताराम कांबळे