गैरसोय

_____गैरसोय_____

गरीब दुबळा आदिवासी समाज
खेड्यापाड्यात रहातोय आज
उच्च शिक्षणाची नसते सोय
कसा मिळणार शिक्षणाचा ताज

रहातो आम्ही खेडेगावात
शिकायला जातो दूर शहरात
आईवडील गरीब आमचे
खर्चीला नाही पोचत हात

येण्या जाण्याची नसते सोय
आसातो फक्त हॉस्टेलचा आधार
तिथेही प्रवेश मिळवण्यासाठी
होते आमची मारामार

सेवा सुविधांचा नेहमीच अभाव
कधी वाटतं बरा आमचा गाव
जेवण सुध्दा नसतं वेळेवर
कसा लागणार आमचा टिकाव

आदिवासी मुलं शिकण्यासाठी
होस्टेलची सोय चांगली असावी
कोणत्याही नवीन योजनेसाठी
भ्रष्टाचाराची कीड नसावी

            सिताराम कांबळे