आम्ही आदिवासी

__आम्ही आदिवासी__

आदिवासी आहोत आम्ही

समजू नका वनवासी

आदिवासींची पोरं आम्ही

खेळतो जिवंत वाघाशी

जल जंगल जमीन

ही तर आमची संपत्ती

आमच्याच गावात येऊन तुम्ही

खेळू नका आमच्याशी कुस्ती

डाव तुमचा पलटेल आता

आम्ही आता सावध झालोय

जंगल सोडून आम्ही आता

कुस्तीच्या आखाड्यात आलोय

समजू नका आम्हाला कमजोर

लढू शकतो समोरासमोर

जेव्हा उतरू आम्ही मैदानात

तुमच्याही जीवाला लागेल घोर

तुमचे काळे डाव आता

आमच्या पण लक्षात आलेत

सावध रहा तुम्ही आता

आदिवासी जागे झालेत

         सिताराम कांबळे