कळसुआई

____कळसुआई____

आमच्या आईची ओढ लागली भेटीची

खण नारळाने ओटी भरु कळसुआईची|ध्रु |

लई ग आवघड आहे आईचा तो घाट ग

झाडा झुडपातून जाते नागमोडी वाट ग

आता करा तयारी गड चढून जाण्याची

खण नारळाने ओटी भरू कळसुआईची |१|

त्या उंच गडावर आई बसली जाऊन ग

चला जाऊ दर्शनाला तीचा डोंगर चढून ग

आई गोड मानून घे सेवा भोळ्या भक्ताची

खण नाराळानं ओटी भरू कळसुआईची |२|

दुरून डोंगर आईचा दिसतोय हिरवागार ग

उंच गडावर आहे आमच्याआईचं देऊळ ग

या देउळानं शोभा वाढली आईच्या गडाची

खण नाराळानं ओटी भरू कळसुआईची |३|

आईच्या गडावर आहे वारा थंडगार ग

आहे तुझ्या भक्तांना तुझाच आधार ग

तुझा आशिर्वाद आमच्या राहुदे पाठीशी

खण नारळाने ओटी भरु कळसुआईची ४|

         सिताराम कांबळे