शेतकऱ्यांचे हाल

___शेतकऱ्याचे हाल__

कसा जगतोय शेतकरी

एकदा खेड्यात जाऊन बघा

राहायला नाही धड घर

झोपडीत त्याच्या राहून बघा

दिवसाही दिसतील चांदण्या

फक्त झोपडीत झोपून बघा

झोपडीत कसा पडतोय पाऊस

हे एकदा आनुभऊन बघा

पावसात तर त्याला झोपडीत

भांड्यांचं दुकान मांडावं लागतं

झोपायला नसते कोरडी जागा

रात्रभर बसून राहावं लागतं

कोरडवाहू शेती आमची

ती ही उंच डोंगरावरती 

पाऊस पडला तर पिकते शेती

नाहीतर झोपतो उपाशी पोटी

प्यायलाच नाही भेटत पाणी

तर शेतीला कुठून घालणार

माहीत नाही आमचे हे हाल

आजुन किती दिवस चालणार

              सिताराम कांबळे