एकीची मोळी

____एकीची मोळी____

मतभेदांची पेटवा होळी
एकजुटीची आवळा मोळी
जय आदिवासी देऊ आरोळी
एकमताची वाजऊ टाळी

एकीशिवाय पर्याय नाही
एकाने लढून चालणार नाही
कितीतरी आहेत समस्या
लढल्याशिवाय सुटणार नाही

सर्वच जमाती एकत्र या
एकतेची शपथ घ्या
आपसातील मतभेद विसरून
समाजासाठी एकत्र या

गट तट आता सोडा सारे
एकतेचे वाहू द्या वारे
यातच आपलं होईल भलं
भेटतील तेव्हा सुखाचे निवारे

            सिताराम कांबळे