धग

____धग____

सूर्य तापला तापला
ओकु लागला हो आग
कसं जगावं जीवांनी
तूच मला आता सांग

नाही पियाला हो पाणी
नाही दिसत हो चारा
नाही दिसत साउली
कुठं दिसना निवारा

पानं गळुन हो गेली
झाली बोडकी ही झाडं
गेले तापून दगड
लाल झाले हे पहाड

उष्णतेची आम्हा नाही
आता सोसत ही धग
कसं चालावं वाटेने
होते अंगाची हो आग

वाट पाहे पावसाची
प्राणी पक्षी झाडं पानं
आता झालं आवघड
पाण्याविना हि जगणं

    सिताराम कांबळे

गारवाडी ता.अकोले जि. अहमदनगर

  मो.८६५२७५९९२८