जय बिरसा

_____जय बिरसा___

कोणी म्हणती धरती आबा

कोणी म्हणे तुला भगवान

कोणीही असला तरीही 

बिरसा होतास तू महान

महान तुझे विचार होते

लढलास आमच्यासाठी

नेहमीच राहील नाव तुझे

प्रत्येक आदिवासींच्या ओठी

करून मोठे उलगुलान तू

लढत राहिला इंग्रजासी

म्हणून नेहमी संगती होते

आपले धाडसी आदिवासी

आमच्या न्याय हक्कासाठी

नेहमीच तू लढत राहिला

तुझ्या रूपाने लढाऊ योद्धा

इतिहासात आम्ही पाहिला

अन्याय अत्याचार आजही

बसलेत आमच्या छातीवर

जातीपातीच्या भेदभावांनी

समाज झालाय हा बेजार

आजही गरज आहे आम्हाला

बिरसा तुझ्या महान विचारांची

मार्ग चुकून आम्ही करतोय

वैचारिक गुलामी दुसऱ्याची

योग्य मार्ग दाखवायला आम्हाला

बिरसा येशील का पुन्हा तू

या साध्याभोळ्या समाजासाठी

जन्म घेशील का पुन्हा तू

       जन्म घेशील का पुन्हा तू

              सिताराम कांबळे