पहिला पाऊस

___पहिला पाऊस___

विजांचा कडकडाट
ढगांचा गडगडाट
आला वाजत गाजत
पाऊस आपल्या दारात

ढोल ढगांचा वाजला
उजेड विजांनी पाडला
वरात पावसाची निघाली
वरुणराजा नवरा झाला

याचं करू या स्वागत
नाचू गाऊ आनंदात
बळीराजा खूष झाला
पीक येईल जोरात

नजर होती आकाशात
पाऊस लपला ढगात
त्याला भेटला गार वारा
आला घेऊन शेतात

होते सर्व चिंतातुर
नव्हते पिण्यासाठी पाणी
तहान भागवण्यासाठी
आला धावून देवावानी

     सिताराम कांबळे