सुवर्ण कन्या - हिमा दास

_____सुवर्ण कन्या____

हिमा खरच तू
हिमालयायेवढी मोठी झालीस
देशाबरोबरच आमचीही मान
हिमालयाइतकीच उंच केलीस

हिमा तुझं आर्ध मानधन तू
पुरग्रस्थाना दिलस
इतरांसारखं तू तुझं
घर का नाही भरलंस

अभिमान आहे सर्वांनाच तुझा
तू खरच खूप मोठी झालीस
पण आदिवासींत जन्म घेतला
हि एकच चूक तू केलीस

दुसऱ्या समाजाची आसतीतर
रात्रंदिवस टीव्हीवर दिसली असती
पेपरची पानं सर्व
तुझ्याच फोटोंनी भरली असती

राजकारण्यांची रांग
तुझ्या दारात लागली असती
तुझे अभिनंदन करण्यासाठी
सेलिब्रिटींची फौज उतरली असती

आज वरवर कौतुक होईलही तुझे
उद्या सर्वच विसरून जातील
तू केलेली ही कामगिरी
लपवण्याचेही प्रयत्न होतील

आदिवासी कन्या शोभतेस तू
झेप तुझी वाघिणीची
आमर इतिहास रचलास तू
शान आहेस आदिवासींची

           सिताराम कांबळे