पाऊस

____पाऊस____

आला पाऊस पाऊस
झालं चोहीकडे पाणी
चला खेळु पावसात
गाऊ पावसाची गाणी

करू होड्या कागदाच्या
देऊ सोडून पाण्यात
जातील डुलत डुलत
दूर खोल समुद्रात

लागता पावसाची चाहूल
बेडुकराव खुश झाला
उड्या मारीत मारीत
मातीतूनी वर आला

गायी वासरं रानात
घेई झाडाचा आसरा
शेळ्या गेल्या गारठून
झाला गारगार वारा

ओढे भरले तुडुंब
वाहू लागले भरून
गेले नदीला भेटाया
दूर डोंगरावरून

ओढे पोटात घेऊन
नदी चाले झुळू झुळू
सांगे ओढ्याच्या कानात
जाऊन समुद्राशी खेळू

    सिताराम कांबळे