रात्रीचा खेळ

_____रात्रीचा खेळ____

रात्रीच्या काळ्या अंधारात

मांडला होता एक खेळ

नाही समजलं कुणालाच

घड्याळाने कधी बदलली वेळ

कुणालाही कल्पना नव्हती

बघा कसा झाला हा घात

सर्व झोपले होते गोधडीत

अलार्म वाजला घड्याळात

डोळे उघडून बघितले तर

नवरदेव होता जोमात

नवरीचा हात घेऊन हातात

मुहूर्त पहात होता घड्याळात

नावं ठेऊ नका घड्याळाला

सारा खेळ नियतीनेच केला

नाही कळू दिले कुणाला

धनुष्यालाही आडवा केला

जनतेकडे भीक मागून

सत्तेसाठी झाले लाचार

जनतेच्या भावना तुडवून

त्यांनी स्थापन केले सरकार

पहा वेळ कशी ही आली

मताची किंमत झीरो झाली

सत्तेसाठी सर्व सोडून

शेजाऱ्याची लंगोटी धरली

      सिताराम कांबळे