लढाई

________लढाई_______

लढाई झाली होती मोठी रतन गडावर

गोविंद खाडे बारी गावाचा होता किल्लेदार

इंग्रजांनी चढाई केली होती किल्ल्यावर

गोविंदरावांचा मुलगा कृष्णा होता बालवीर

इंग्रजांचं सैन्य चढून आलं किल्ल्यावर

दुश्मनांच्या समशेरीला भिडल्या समशेर

दोघांच्याही सैन्यात युद्ध झालं घनघोर

लढता लढता कृष्णा खाडे झाला होता ठार

खबर कानोकान मिळाली पत्नी रुख्मिणीला

नाही रडत बसली बंदूक लावली खांद्याला

बसून घोड्यावरती टाच मारली घोड्याला

वाऱ्यासारखी जाऊन पोचली पाभार खिंडीला

गोऱ्या सायबाला माहीत नव्हतं काळ जवळ आला

अचूक नेम धरून हल्ला रुख्मिणीने केला

बंदुकीची गोळी जाऊन भिडली डोक्याला

गोरासाहेब उलथून खाली धर्तीवर पडला

रुख्मिणीने घेतला आपल्या कुंकाचा बदला

पाभारखिंडीत रुख्मिणीचा इतिहास हा घडला

रुख्मिणीवर प्रतिहल्ला इंग्रजांनी केला 

पाभार खिंडीत रुख्मिणीचा देह कामी आला

प्रणाम करतो रन रागिनी रुख्मिणी खाडेला

नारीशक्तीचा आदर्श दाखवून दिला जनतेला

          सिताराम कांबळे

गारवाडी ता.आकोले,जि. अ. नगर