क्रांती ज्योत

____क्रांती ज्योत___

फुल्यांची ती क्रांतीज्योत

दिवसरात्र तेवत होती

स्त्रीयांच्या शिक्षणासाठी

ज्ञानप्रकाश देत होती

दगड गोट्यांचा वर्षाव

अंगावरती झेलत होती

मनुवादी प्रवृत्तीला ती

भीक कधी घालत नव्हती

पडत होते अंगावर तिच्या

चिखल आणि शेणाचे गोळे

तरी नाही मागे हटली कधी

शेणालाही मानली फुले

स्त्री शिक्षणाचा अधिकार

त्यांना तेव्हा मिळत नव्हता

स्त्री सुशिक्षित करण्याचा

निश्चय तिचा पक्का होता

सर्व संकटांचा सामना करत

कार्य तीचं ती करत होती

मुलींना प्रकाश देण्यासाठी

स्वता मात्र जळत होती

         

💐💐विनम्र अभिवादन💐💐

       सिताराम कांबळे