वणवा

____वणवा____

आग लागली रानाला

चटके बसले मनाला

कितीतरी मुके प्राणी

आज मुकले प्राणाला

पंख असुनही पक्षी

नाही उडाले हावेत

काळ्या मृत्यूने त्यांना

बघा घेतले कवेत

हिरव्या झाडा झुडुपात

रहात होते आनंदात

आज पेटला वानवा

निसर्गाची सुटली साथ

झाडा झुडुपांचीही बघा

आज झाली राखरांगोळी

नाही ऐकू शकला कोणी

त्यांची भयभीत किंकाळी

वनव्याच्या त्या ज्वालांनी

वेढा दिला त्या रानाला

नाही बाहेर जाऊ दिले

तेथील मुक्या जीवांना

धूर आगीच्या लोंढ्यात

जीव सृष्टी नष्ट झाली

नाही कळले कुणाला

अशी वेळ का ही आली

निसर्गाशी नको खेळ

साधा त्याचा समतोल

नाहीतर आपल्यावरही 

येईल हीच काळी वेळ

झाडे लावा झाडे जगवा

आपला निसर्ग वाचवा

तरच साऱ्या जीवसृष्टीला

मिळेल जन्म नवा

       सिताराम कांबळे

गारवाडी,ता.आकोले,जि. अ. नगर