आमचे हाल

_____आमचे हाल____

कसा जगतोय आदिवासी

खेडे गावात येऊन बघा

रहायला नाही घर धड

झोपडीत त्याच्या राहून बघा

दिवसाही दिसतील चांदण्या

झोपडीत एकदा झोपून बघा

झोपडीत कसा पडतोय पाऊस

हे एकदा आनुभऊन बघा

पावसात तर झोपडीत त्याला

भांड्यांचं दुकान मांडावं लागतं

झोपायला नसते कोरडी जागा

कधी रातभर बसून रहावं लागतं

कोरडवाहु शेती आमची

ती ही उंच डोंगरावरती

पाऊस पडला तर पिकते शेती

नाहीतर जगतो मजुरीवरती

प्यायलाच नाही मिळत पाणी

तर शेतीला कुठून घालणार

माहीत नाही आमचे हाल

आजून किती दिवस चालणार

           सिताराम कांबळे

गारवाडी,ता.आकोले,अ.नगर