___रानपाखरं____
पाणी मीळना रानात
काय करतील पाखरं
थेंबभर पाण्यासाठी
फिरतात सारं शिवारं
घरटं उंच झाडावर
त्याला फांदीचा आधार
गेली पानं हि गळुनं
केला उन्हाने कहर
कडक उन्हापासून
कसं करावं संरक्षण
याच काळजीत दोघे
फिरतात वणवण
रानावनात फिरून
मिळना चारापाणी
त्यांनी घेतली भरारी
बळ पंखात भरोनी
आले गावाच्या कुशीला
दान्यापाण्याच्या शोधात
तिथं झाली त्यांची सोय
म्हणून थांबले गावात
तीथलं दुषीत वातावरण
त्यांना होईना सहन
पुन्हा गेले ते रानात
निरोप गावाचा घेऊन
सिताराम कांबळे
गारवाडी,ता.आकोले,अ.नगर
Comments
Post a Comment