आमचे हाल

____आमचे हाल_____

आलो आम्ही खुप लांबुन

देशाच्या काना कोपऱ्यातुन

नकोसा झालाय जीव आता

जावं वाटतं गावाला परतुन

दिवसभर मोलमजुरी करून

आनंदात काम करत होतो

आता येतील चांगले दिवस

याच आशेवर जगत होतो

पण आशेची निराशा झाली

उपाशी मरायची वेळ आली

काम धंदे येथील बंद झाले

चालू कामं जागेवरच थांबली

परदेशातून एक रोग आला

रोजगार आमचा बंद केला

रिकामे झाले खीसे आमचे

पैसे मिळेनात विष प्यायला

बंद झाले सर्व व्यावहार

तरीही नव्हती मानली हार

आता फक्त एकच विचार

कोण देईल आम्हाला आधार

हाता वरचं पोट आमचं

आता हातच बंद झाले

कसं जगावं आम्ही आता

बघा दिवस कसे हे आले

उपाशी राहू शकत नाही

गावी जाऊ शकत नाही

हालत अशी झाली की

काहीच करू शकत नाही

एकच मागणं आहे सरकारला

लवकर घालवा या महामारीला

आलो तसाच सुखरूप आता

नेऊन सोड आमच्या गावाला

          सिताराम कांबळे

गारवाडी,ता.आकोले,जि.अ.नगर