____बोगस गिधाडं"____
बोगस गिधाडं बसलेत टपून
प्रत्येक पाऊल टाका जपून
वेळीच आवर घाला यांना
वेळीच त्यांचे पंख छाटून
हाळूच बाहेर येत आहेत
चोच मारून बघत आहेत
मेलेल्या जनावरांसारखे
लचके आपले तोडत आहेत
दाखवावा लागेल त्यांना आता
आपल्यामधला जिवंतपणा
नाहीतर आपण मेलोय समजून
दाखवतील त्यांचा खोटेपणा
वेळीच यांना हाकला नाहीतर
पुन्हा पुन्हा जवळ येतील
आपल्या ताटातील अर्धी भाकर
चोरासारखे पळवून नेतील
आजपर्यंत झोपलो होतो
आता जागी राहिलं पाहिजे
बोगसगीरीच्या या गिधाडांपासून
समाज आपला वाचवला पाहिजे
सिताराम कांबळे
Comments
Post a Comment