एकीचे बळ

______एकीचे बळ____

बोगसांचा भरलाय बाजार

समस्या पण वाढल्यात फार

राजरोसपणे लुटू लागलेत

आपलेच सर्व  अधिकार

भांडण तंटे सोडा आता

एकमेकांना साथ द्या

एक होऊ आपण सर्व

एकीचा हात हातात घ्या

एकजुटीने लढू आपण

कोणतेही येउद्या संकट

एकजुटीचा वार करून

उखडून टाकू मुळासकट

फक्त एकी तोडू नका

एकजुटीने अखंड रहा

एकजुटीचा बसेल दणका

शत्रूला तेव्हा पहात रहा

एकीचे बळ दाखवू जगाला

लढायला फक्त तयार रहा

एकीचे बळ मिळेल फळ

आपण फक्त पहात रहा

आम्ही आहोत आदिवासी

या देशाचे मूळ रहिवासी

हटणार नाही मागे कधी

लढत राहू प्राणांनीशी

  सिताराम कांबळे

गारवाडी,ता.अकोले