मी लढणार

___मी लढणार___

कोरोनाविरुद्ध लढाई

आज मी लढत आहे

माहीत नाही मला पण

विजय किती लांब आहे

हरणार नाही लढाईत या

विजय माझा नक्की आहे

नाही हातात शस्त्र पण

इच्छाशक्ती मोठी आहे

तीच शक्ती तीच भक्ती

कोरोनाला हरवू शकते

विश्वास पाहिजे तिच्यावर

तीच शेवटी तारू शकते

नका घाबरू नका बावरू

धीर कधी सोडू नका

विजय आपलाच आहे

हे आपण विसरू नका

एक जाईल,दुसरं येईल

संकट ही चालूच राहणार

आयुष्याच्या या रणभूमीवर

शेवटपर्यंत लढत राहणार

आपल्यात पण आहे शक्ती

तिला आधी जागृत करा

येउद्या कोणतंही संकट समोर

धीराने त्याचा सामना करा

        सिताराम कांबळे

    मुलुंड वेस्ट,पोष्ट ऑफिस