क्रांती ज्योती

🙏🏼क्रांतीज्योती🙏🏼

फुल्यांची ती क्रातीज्योत

दिवसरात्र तेवत होती

स्त्रियांच्या शिक्षणासाठी

ज्ञानाचा प्रकाश देत होती

दगड धोंड्यांचा वर्षाव

अंगावरती झेलत होती

मनुवादी प्रवृत्तीला ती

भीक कधी घालत नव्हती

पडत होती अंगावर तिच्या

चिखल आणि शेणाचे गोळे

तरी नाही कधी मागे हटली

शेणालाही मानली फुले

स्त्री शिक्षणाचा अधिकार

त्यांना तेव्हा मिळत नव्हता

स्त्री सुशिक्षित करण्याचा

निश्चय तिचा पक्का होता

सर्व संकटांचा सामना करत

कार्य तिचं ती करत होती

मुलींना प्रकाश देण्यासाठी

स्वतः मात्र जळत होती

     सावित्रीबाई फुले

यांना विनम्र अभिवादन

🙏🏼सिताराम कांबळे🙏🏼