खेळ राजकारणाचा

___खेळ राजकारणाचा___

राजकारणाच्या खेळामध्ये

डाव चांगलेच रंगले आहेत

सर्वच राजकीय नेते मंडळी

खेळात त्यांच्या दंग आहेत

एकमेकांचे कपडे फाडण्यात

प्रत्येक जण व्यस्त आहे

यांच्या अशा वागण्यामुळे

जनता मात्र त्रस्त आहे

दाखवायला फक्त समाजसेवा

बाकी सगळं राजकारण आहे

नेत्यांच्या या नीच राजकारणात

सामान्य जनता मात्र मरत आहे

दररोज यांचे आरोप प्रत्यारोप

यातच यांचे दिवस चाललेत

वेळ नाही यांना जनतेसाठी

भांडण्यामध्ये व्यस्त आहेत

प्रत्येक गोष्टीत राजकारण

हाच यांचा उद्योग झालाय

सामान्य माणूस यांच्यामध्ये

विनाकारण भरडला गेलाय

मंत्री,संत्री दिवसा ढवळ्या

जनू दरोडेच टाकू लागलेत

भिकाऱ्यांपेक्षाही भिकारी

राजकारणी हे नेते झालेत

भ्रष्टाचार करा,मालमत्ता जमवा

पण निदान खून तरी करू नका

तुमच्या राजकीय स्वार्थासाठी

सामान्य जनतेला मारू नका

      सिताराम कांबळे

गारवाडी,अकोले,अ.नगर