____मदतीचा हात____
कोरोनाने केलं हैराण
जळू लागलं माणसांचं रान
प्राणवायूही पडतोय कमी
कसे वाचणार माणसांचे प्राण
कोरोनाचा वाढलाय धोका
विनाकारण फिरू नका
जपा आपल्या जीवाला
जीव धोक्यात घालू नका
पहिला होता फक्त शहरात
आता पोहचला गावा गावात
आजारापेक्षा भीतीच जास्त
भरू लागली आपल्या मनात
गरज आहे जनजागृतीची
आपल्या भरीव मदतीची
वाट बघातात आपले बांधव
आपल्या आर्थिक सहकार्याची
गरीब आहे आपला समाज
वास्तव्य आपलं दऱ्याखोऱ्यात
नाही मिळत काहीच सुवीधा
दिला पाहिजे मदतीचा हात
समाज आज झालाय बेजार
सर्व मिळून करा विचार
आपला समाज वाचवण्यासाठी
दिला पाहिजे भक्कम आधार
कोरोनाची ही महामारी
पोहचू लागली घरोघरी
संकटकाळी मदत करणे
सर्वांचीच आहे जबाबदारी
मिळून सर्व नोकरदार
समाजाला देऊ आधार
मायभूमीच्या मातीचे
चला फेडू उपकार
सिताराम कांबळे
गारवाडी,अकोले,अ.नगर
8652759928
Comments
Post a Comment