पहिला पाऊस

 ___पहिला पाऊस___

विजांचा कडकडाट

ढगांचा गडगडाट

आला वाजत गाजत

पाऊस आपल्या दारात

ढोल ढगांचा वाजला

उजेड विजांचा पडला

वरात पावसाची निघाली

वरून राजा नवरा झाला

याचं करू या स्वागत

नाचू गाऊ आनंदात

बळी राजा खुष झाला

पीक येईल जोरात

नजर होती आकाशात

पाऊस लपला ढगात

त्याला भेटला गार वारा

आला घेऊन शेतात

होते सर्व चिंतातुर

नव्हते प्यायलही पाणी

तहान भागवण्यासाठी

आला धावून देवावाणी

     सिताराम कांबळे

गारवाडी,अकोले,अ.नगर