मी शेतकरी

 _____मी शेतकरी____

लवकर उठून शेतात जातो

उपाशी पोटी औत हाकतो

तेव्हा कुठे शेत पिकवतो

धान्याची रास घरी लावतो

उन्हात शेतात करतो काम

अंगात मुरतो कष्टाचा घाम

कामात नसतं कसलं भान

करत नाही कधीच आराम

मी शेतकरी मी कष्टकरी

खातो मी कष्टाची भाकरी

काळी आई माय माऊली

करतो मी तीचीच चाकरी

बैलजोडी माझी खिल्लारी

शोभून दिसते जोडी भारी

त्यांच्यामुळेच पिकते शेती

तीच आमची दौलत खरी

काळी आई आमची माता

तीच आमची भाग्यविधाता

तिच्यावरच जीवन आमचे

म्हणून नाही कसली चिंता

     सिताराम कांबळे

गारवाडी,अकोले,अ.नगर