प्रेमाचा पाऊस

 _______प्रेमाचा पाऊस____

तुझ्या डोळ्यांची वीज चमकली

माझ्या काळजात येऊन धडकली

प्रेमाची ही गंगा जाऊन समुद्राला मिळू दे

तुझ्या प्रेमाचा पाऊस पडू दे

त्यात मनाला माझं भिजू दे

पडू लागल्या पाऊस धारा

गार गार हा सुटलाय वारा

सांग कुठं मी शोधू निवारा

तुझ्या कुशीत दे ना आसरा

घाबरला हा जीव बिचारा मायेची ऊब मिळु दे

तुझ्या प्रेमाचा पाऊस पडू दे

त्यात मनाला माझ्या भिजू दे

मनाला माझ्या वेड लागलं

चौफेर तुलाच शोधू लागलं

तुझ्या भेटीला आतुर झालं

दिवसाही स्वप्न पाहू लागलं

कशी घालावी समजूत त्याची मला एकदा कळू दे

तुझ्या प्रेमाचा पाऊस पडू दे

त्यात मनाला माझ्या भिजू दे

तुझ्या भेटीची ओढ लागली

आजून होईना भेट ही पहिली

रोज देवाला फुले वाहिली

तरी आजून तू नाही पावली

माझ्या मनाचं फुलपाखरू बागेत तुझ्याच खेळू दे

तुझ्या प्रेमाचा पाऊस पडू दे

त्यात मनाला माझ्या भिजू दे

       सिताराम कांबळे

गारवाडी,अकोले, अ.नगर