___घातकी पाऊस__
मुंबईची तुंबई झाली
रस्ते गेले पाण्याखाली
जलपरी होऊन रेल्वे
पाण्यावर पोहू लागली
समुद्र मात्र खुश झाला
मुंबईच्या भेटीला आला
मुंबईची अवस्था पाहून
पुन्हा माघारी निघून गेला
कुठे कोसळल्या दरडी
तर कुठे पडल्या भिंती
रस्त्यावर चालतानाही
पाण्याची वाढली भीती
वाटलं नव्हतं कधी
निसर्ग इतका कोपेल
झोपेमधला माणूस
कायमचाच झोपेल
पावसाची ही क्रूर खेळी
कित्येकांचे गेले बळी
मुसळधार पावसातही
प्रेतांची जळाली होळी
रुळावरती साठलं पाणी
बंद झाली जीवन वाहिनी
प्रवाशांचे तर झाले हाल
रस्त्यांवरच्या प्राण्यांवाणी
सिताराम कांबळे
गारवाडी,अकोले,अ.नगर
Comments
Post a Comment