माझा निसर्ग

 ___माझा निसर्ग___

आमचं गाव डोंगरात

आम्ही रहातो रानात

रानातले प्राणी पक्षी

रोज खेळे अंगणात

सुर्यदेव नाही येत

लवकर डोंगरात

साऱ्या दुनियेच्या आधी

होते अंधारी ती रात

रानातली दाट झाडी

वाऱ्यासंग हो डोलती

पान,फुलं, झाडे,वेली

आनंदाने बहरती

येता वाऱ्याची झुळूक

स्पर्श जाणवतो नवा

देतो निसर्ग आमचा

शुद्ध मोकळी ती हवा

दाट झाडीमध्ये घर

तोच माझा राजवाडा

त्याची तटबंदी आहे

उंच डोंगराचा कडा

झोपडीचा राजवाडा

आनंदात मी रहातो

रोज उठता सकाळी

माझा निसर्ग पहातो

     सिताराम कांबळे

गारवाडी,अकोले,अ.नगर