आकाश भ्रमण

 ___आकाश भ्रमण___

खूप वाटतं नेहमी मला

आकाश भ्रमण करावं

वेगवेगळे ढगांचे रंग

जवळ जाऊन बघावं

ढगांच्या विमानात बसून

पृथ्वी प्रदक्षिणा करावी

सप्तरंगी इंद्रधनुषाची

कमान हाती धरावी

पृथ्वीचं सौंदर्य रोज

आकाशातून बघावं

स्वच्छंदी पाखरासारखं

आकाशातून फिरावं

ढगांचाच बांध घालून

धरण वरती बांधावं

पाहिजे तितकेच पाणी

धारणीवरती सोडावं

वीज आणि ढगाचं नातं

त्यांच्याकडूनच जाणावं

त्यांच्यासारखं अतूट प्रेम

आपण सुध्दा करावं

    सिताराम कांबळे