आमचं सरकार

___आमचं सरकार___

   आम्ही जबाबदार

कोण कुणाचा करतंय घात

येतंय का कुणाच्या लक्षात

सत्तेचा मलिदा खाण्यासाठी

जनतेचा होतोय विश्वासघात

पुढारी मारतात माकड उड्या

इकडून तिकडे थोड्याथोड्या

कार्यकर्त्यांनो उचला सतरंज्या

आपसात करा डोके फोड्या

सत्तेचा मलिदा नेते खाणार

कार्यकर्त्यांना मार बसणार

डोळे उघडून बघा एकदा

कसं चाललंय आपलं सरकार

आपण फक्त आंधळे मतदार

डोळे झाकून मतदान करणार

चांगला समजून निवडून देणार

आपलाच विश्वासघात करणार

आसं आपलं गतिमान सरकार

कुणासाठी काही नाही करणार

एकमेकांची जिरवत बसणार

जनता मात्र अशीच मरणार

म्हणतात नेते घेतात खोके

कार्यकर्त्यांचे फुटतात डोके

कधीही कुणाला देतो धोके

म्हणून आमचं सरकार ओके

       सिताराम कांबळे