___आईचं लुगडं__
माझ्या आईचं लुगडं
होती मायेची ती ऊब
छान बांधून ठेवलं
होतं एकत्र कुटुंब
माझ्या आईच लुगडं
त्याची शिवली गोधडी
एकदा बघा पांघरून
साखर झोपेची ती गोडी
माझ्या आईच लुगडं
होता मायेचा पदर
मायेच्या सावलीत
होतं सारं घरदार
माझ्या आईच लुगडं
जणू शाल ऊबदार
ऊन पावसात होता
आम्हा तिचाच आधार
माझ्या आईचं लुगडं
होती उन्हात साऊली
आम्ही बसलो उन्हात
गेली निघून माऊली
सिताराम कांबळे
Comments
Post a Comment